Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Orobanche artemisiae-campestris

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Erbo-de-taurèu(-de-l'aussent-pegous)

Orobanche artemisiae-campestris

Orobanchaceae

Nom en français : Orobanche de l'armoise des champs.

Descripcioun :
Aquesto erbo-de-taurèu, pulèu raro, trachis dins li sablo e li tepiero seco sablouso ounte ié parasito l'aussent-pegous, Artemisia campestris (mounoufajo). Sèmblo à Orobanche minor, pamens la flour èi mai jauno e se n'en destrìo subretout que li labro di petalo soun mai larjo e tambèn que lis estmino soun estacado pu aut, à 3-4 cm de la baso de la flour. Soun peréu cuberto de péu vers lou bas di fielat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 15 à 22 mm
Flourido : Printèms - Estiéu

Sòu : Si
Autour basso e auto : 0 à 1400 m
Aparado : Noun
Mai à juliet

Liò : Sablo - Tepiero seco
Estànci : Mesoumediterran à Subremediterran
Couroulougi : Éurasiatico-Cèntre-Ouèst
Ref. sc. : Orobanche artemisiae-campestris Sm., 1797

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Orobanche artemisiae-campestris

ges

Coumpara Lambrusco(-bastardo) emé uno autro planto

Coumpara Erbo-de-taurèu(-de-l'aussent-pegous) emé uno autro planto